Hollande e Valls que s’an ganhat eth torn prumèr- Un engan vertadèr!

Eth torn prumèr der’eleccion presidenciau que ven d’amuishar en plea lutz era realitat  deras manòbras prumèras de Hollande e Valls tà’s guardar poder e tà tornar arrecompausar era paleta politica der’imperialisme francés.

Òc! Hollande e Valls que s’an ganhat aqueth moment politic prumèr après ua des.hèita politica e ua estremada dera corsa ara presidenciau après cinc annadas passadas ath poder.  Faussa sortida donc, que contunhan de tirar eras cordetas.

Tàd aquerò qu’an teishut un embarrament deras gents en ua faussa alternança dab en hons era paur de fascisme. Que consisteish en:

1-Promocion de Macron. En hicar en davant Macron que contunhan era politica seguida tà servir er’imperialisme francés. Com un simbèu dera politica perpausada, eth lendoman d’aqueth torn prumèr,  eth CAC 40 que hasó un saut de + 8 punts,  quan tot d’un temps eth caumatge que pravava de 1,3%, aumentada era mes hòrta deth quinquenat.

Puish ar’entorn de Macron qu’ei era debuta deth projècte d’arrecomposicion dera paleta politica der’imperialisme francés, dab un Macron propagandista e simbèu der’ideologia liberau d’aqueth futur arrecampament de « Democratas » o « Progressistas », capable d’amassar era sociau-democracia malauta, eth centre e’ra dreta dab Juppé, de Villepin, Raffarin e dentiò uei Estrosi (dijà esleguit per' »esquèrra »). Que i a de saber aquer’amassada qu’ei un projècte qui n’ei pas navèth, dijà formulat quauquas annadas a en sué blòg per’avocat sociau-democrata Jean-Pierre Mignard amic personau de Hollande. Com era  candidatura de Macron n’ei pas navèra, qu’èra programada e sostenguda pera prensa que i a moment.

2-Candidatura de Hamon.  Dab aquera candidatura d’aqueth pretendut arrepresentent der’esquèrra deth PS, esquèrra introbabla, qu’èra mirat era marginalisacion de Mélencho. Pressions tàth desistiment, puish manten d’Hamon, atacas de Hollande e Cambadelis contra Mélenchon que testimònian der’arrefús de’u véger ath segond torn e d’ua volentat sustot d’estremar joens e categorias sociaus popularas capablas de criticar eth bilanç deras cinc annadas de poder sociau-democrata e eth programa de Macron ena continuitat.

3- Causida de hicar Le Pen ath segond torn. Atau qu’ei possible de jogar completament er’amassada dera dreta e deths sociau-democratas, de prefigurar allianças e connivéncias futuras. Era mesa en davant dera paur deth fascisme e deth F.N. que permet de hèr desbrembar tanben eth bilanç d’ua politica antí-populara e imperialista. Hollande, Valls e tota era sociau-democracia despuish F. Mitterrand que hèn eth lheit deth fascisme,  après que cridan ath lop, tot aquerò tàd aparéisher com ua murralha contra extrèma-dreta, amassar eras gents e demorar ath poder.

Uei n’i a pas de dangèr fascista en Estat francés. Qu’ei un engan dera propaganda de Hollande. Eth fascisme qu’ei expression der’imperialisme, qu’ei installat peths poders imperialistas quan hè necèra. Quan eths gavidaires imperialistas non pòden pas mes contunhar de gavidar com abans e quan en baish eras classas obrèras e eths pòples non vòlen pas mes contunhar d’estar gavidats com abans. Lavetz quan i a miaças vertadèras contra era  dominacion dera borgesia imperialista. Que i a de constatar d’evidéncia aqueras condicions non sòn pas amassadas. Er’estrambòrd com eth sosteng ar’entorn dera candidatura Macron que n’ei era pròva, com era manca de partits politics revolucionaris vertaderament capables d’entraina eths pòples tàd acabar era dominacion imperialista.

Ad aquera eleccion Hollande que volèva Le Pen a torn segond, tàd assegurar er’eleccion de Macron en tot favorisar eth « front republican » e esvitar eth bilanç. Era manòbra qu’ei d’embarrar eras gents en ua causida qui ei un engan vertadèr qui averà per resultat de hèr créisher encara mes eth FN. Que s’i tornaram atau en 5 ans.

Qu’èm embarrats en un cerc viciós deth quau n’ei pas possible de sortir que’n trencà’u, en arrefusar de participar ad aqueth teatre qui estuja eras realitats d’ua democracia panada, de pòples, classas e categorias sociaus popularas mespresats. Eth combat contra eth fascisme non déu pas estar arredusit ara votacion per paur, qu’a d’estar hèit peth combat en prumèr contra era sociau-democracia. Er’arrefus de votar qu’ei dijà rompedura, qu’a d’estar era responsa aras injoncions de Hollanda, Macron, Valls, Cambadelis, …

Alan Sibé

 

 

 

 

 

 

 

 

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s