LIBERTAT TÀD EBRU FIRAT

 

 

Condemnada a 5 annadas de preson peth poder turc, dab eth acús abituau d’apartenéncia a ua “organizacion terrorista“.

Com at hè arremercar era sua avocata Ma Agnès Casero, “N’am pas estrictament nada ajuda venguent deth Quai d’Orsay (ministèri deths ahèrs estrangèrs). Que l’avèm sollicitada abans eras eleccions, per ua demanda arrelatada pera comuna de Tolosa, que ns’avè hèit saber eth Estat non s’opausère pas a ua demanda de transferiment d’Ebru Firat tà França, donc que la vam demandar,  mes que s’arrèsta athèu“. (1)

Joena hemna de 27 annadas, vaduda de Moissac, estudianta a Tolosa, Ebru Firat qu’a era dobla nacionalitat curda-occitana. Que juntè eth P.K.K. ( Partiya Karkerèn Kurdistan – Partit deths Tribalhadors de Curdistan) mes d’ua annada a, que participè ara luta contra eth Estat islamic a Kobane enas unitats d’autodefensa curdas Y.P.G. (Yekîneyên Parastina Gel/Unitat de Proteccion deth  Pòple) En tornar entàd Occitània Ebru Firat qu’estó arrestada eth 8 de seteme de 2016.

Uei qu’ei mes que james eth moment de tornar demandar era sua liberacion tà que posca tornar per Occitània. Era sua avocata, qu’espèra un moviment de solidaritat qui posca vàder. Ara que va demandar eth sué transferiment.

Dab aquera “ manca d’interés” com er’absénçia d’iniciativa diplomatica deras autoritats francesas, ath contra de çò de hèit tàth jornalista francés  Loup Bureau, qu’am de hèit un alinhament complet de Macron e deth governament suras tèsis e politica d’Erdogan. Tàd eth tot çò de curd qu’ei terrorisme e qu’a d’estar combatut e esfaçat.

Macron qui hè esfòrçs de comunicacion tà’s hèr lusir eth portrèit ens rapòrts teatralizats dab Trump, que tosseish tà’s hèr enténer en ahèr de Corèa deth nord, o encara ara tribuna der’O.N.U., qu’ei mut totun tà sortir Ebru Firat dera preson turca.

“Que hè ua annada que shirgam, pr’amor no’ns responen pas, que s’agaça er’avocata. Quan vòi a Istanbol, non sòi pas quitament arrecebuda peth Cònsol …” (2)

Pr’amor de tot aquerò que i a d’arrelatar d’ua faiçon o d’ua auta aqueth moviment de solidaritat esperat per Ma Casero e qu’ensaja d’entinoar per’associacion A.L.E.I.F.(Associacion tà libertat e enterajuda internacionau de hemnas), condicion màger tà hèr mautar eth poder francés e tà ns’i escàder en transferiment d’Ebru Firat.

 

(1) (2) La Dépêche du Midi, 24 de seteme de 2017

 

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s