VATH D’ARAN: APERET ARA SOLIDARITAT OCCITANA TÀ DEFENER ETH REFERENDOM

Per mond qui non saberén pas encara Vath d’Aran qu’ei tèrra occitana, qu’ei partida dera nacion occitana. En Principat de Catalonha que participarà eth 1 d’octobre ath referendom d’autodeterminacion.

Qu’apèra ara solidaritat d’Occitània sancèra tà que’s debane aqueth referendom e que poscan votar tanben eths aranés.

Jornalet  deth 28 de seteme de 2017:

« La comunautat educativa del país demanda als compatriòtas de Garona enjós de jónher la resisténcia non violenta als burèus de vòte araneses dimenge que ven

A tres jorns pel referendum d’independéncia, la comunautat educativa de Catalonha e d’Aran se son organizats al nivèl local per defendre los burèus de vòte durant aquesta dimenjada venenta. Ansin an creats los Comitats de Defensa del Referendum (CDR), çò es d’organizacions ciutadanas localas amb la tòca de defendre los burèus de vòte per mejan de la resisténcia activa non violenta. Òm se pòt marcar dins lo sit web www.escolesobertes.eu e causir un burèu de vòte precís.

Dins aquel sens, qualques araneses fan una crida a la solidaritat dels compatriòtas de la rèsta d’Occitània. De desenats de milièrs de personas se son inscrichas, mas en Aran se demanda lo sosten dels occitanistas que se i pòscan desplaçar. “Es aranesi hem crida ara solidaritat occitana entà defensar eth dret d’autodeterminacion e poder votar deuant dera possibla repression der estat espanhòu”, çò a dich a Jornalet la deputada aranesa Mireia Boya.

L’iniciativa seguís lo projècte nomenat Escòlas Dobèrtas, una iniciativa de la comunautat educativa de Catalonha e Aran, fàcia a las menaças de l’estat espanhòl d’empachar lo referendum e per refusar l’òrdre del ministèri public que demanda de sagelar totes los licèus e collègis qu’aculhiràn de burèus de vòte.

Los occitans que voldràn anar en Aran per ajudar al referendum se pòdon marcar sul sit: www.escolesobertes.eu. »

Divèrsas personalitats de la Val d’Aran an publicat lo dich “Manifèst de Les” en reclamant que las institucions aranesas s’engatgen pel referendum

 

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s