COSSÒVA: VETËVENDOSJE (AUTODETERMINACION) QUE’S GANHARÉ ERAS LEGISLATIVAS

Un pas en davant cap ara autodeterminacion vertadèra ? Com l’endica eth sué nom, Vetëvendosje, un moviment devengut partit en 2004, que hè dera autodeterminacion eth còr deth combat politic. Cossòva que ten un Estat, mes totun ua independéncia formau, de paréisher. En realitat un poder enas mans d’imperialistas, Estats Units d’America, Union Europèa e auts. Eth governament qu’acceptè aquesta situacion tròp longtemps shens protegir atau eth pòple.

Lavetz, Vetëvendosje, ancian partit d’oposicion que vien de’s ganhar eras eleccions legislativas, qu’apareish com era alternativa actuau ad aquera situacion.Era autodeterminacion arreivindicada qu’ei en prumèr ua rompedura radicau dab era politica seguida pendent annadas. Per exemple, qu’arreivindica un desvelopament economic emparat sus un sector public desvelopat, escapant ara politica de privatisacion e d’investiments deras multinacionaus, eth dret de decidir en tota libertat tà guarantir eths besonhs deth pòple e deth país. Que vòu tanben era normalisacion deras relacions dab Serbia shens eth contaròtle dera comunitat internacionau e un dialòg dirècte dab eths sèrbes de Cossòva. Qu’ei essenciau tanben era luta contra clientelisme e corrupcion.

Dijà ara direccion de granas ciutats com Prishtina e Prizren, Vetëvendosje qu’ei passat, ath parat d’aqueras eleccions legislativas, de fòrça d’oposicion ara prumèra fòrça en carga deth país. Qu’estremè eths ancians de l’UÇK, armada de liberacion nacionau. Atau qu’avore ganhat dab 26, 04% deras votacions,  davant era LDK de Vjosa Osmani 25, 21%, que’s parla d’ua coalicion d’aqueths dus partits.

Vetëvendosje qu’ei gavidat peth deputat Albin Kurti, 44 ans, ancian gavidaire estudiant. Que conescó presons sèrbas mes d’un còp. Aqueth partit qu’a sustot ua basa urbana, populara, instruida, mes sustot joena hèra. (1) “Eth partit que’s reclama dera esquèrra sobiranista, mes, que precisa M. Kurti, “ne’ns consideram pas com nacionalistas, dab tot çò qu’aquerò significa de potenciau de violéncia e de guèrra per Balcans. Que creiem totun era nacion que demòra un concèpte importent. Non cau pas que la deishem enas mans dera dreta”. (2)

“Autodeterminacion” qu’ei vertaderament ua arreivindicacion politica d’ua grana actualitat per Euròpa, Irlanda, Escòcia, Catalonha, Corsèga, ecà …, que vien de mercar un punt en Cossòva. Lhèu ua navèth orizont politic tàth pòple de Cossòva, dab era volentat de  tornar cap ara nacion, de rompedura ena orientacion politica, arreget d’ingeréncias imperialistas, desvelopament economic e sociau intèrne e casa-hèit, luta contra corrupcion, … Cossòva que poderé devénguer un exemple per Balcans e per delà.

(1) Jean-Arnault Dérens, Le Monde Diplomatique, deceme de 2017, p.20.                               (2) idem.

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s