LINHA DE ROMPEDURA

LINHA DE ROMPEDURA/

              La prioritat:  

                                                                                                                                                       Entinoar un posicionament ideologic e politic de rompedura

DE TIRA, CAMBIAR DE TERRENH DE LUTA

N’ei pas la lenga qui sauvarà l’occitanisme, qu’ei l’occitanisme qui sauvarà la lenga

La lenga occitana com la nacion e lo pòple occitans que son istoricament constituits: que son lo produit de la longa durada, que son lo produit de generacions d’òmis e hemnas, suu medish territòri, qui viven amassa, qui tribalhan, qui escambian, qui lutan, qui aiman, …

Lavetz, la luta occitanista :

Non pòt pas estar ua luta desseparada de las questions de la societat nosta, e tanpòc ua luta tàd ua lenga desseparada deu pòple noste.

Qu’ei la luta tàus drets nacionaus e sociaus deu pòple occitan

Lavetz qu’ei tanben la luta qui pausa la question deu poder politic, deu dret de decidir, de tornar apoderà’s la tèrra de casa, en tot desvelopar lenga e cultura nostas

L’ÒBRA ISTORICA MÀGER

Bastir la consciéncia nacionau e sociau

Qui ten la consciéncia, ten la clau

N’i averà pas brica d’occitanisme politic democratic, progressista, revolucionari shens la consciéncia nacionau e sociau.

Aquesta n’ei pas espontanèa, qu’ei ua construccion intellectuau.

Que déu estar l’òbra deu moviment occitanista e que déu víver, desvelopà’s e enriquí’s peu pòple noste

Qu’ei tot d’un temps :

Consciéncia de nacion e pòple occitans, de la contradiccion pòple/imperialisme e de las contradiccions au dehens deu pòple, de la necèra de la liberacion nacionau e sociau, deu camin de seguir tàd aquesta liberacion, … Lavetz qu’ei lo programa politic occitanista

HAR DEU PÒPLE OCCITAN L’ACTOR MÀGER

 Har penetrar la consciéncia nacionau e sociau peu pòple noste tà que posca préner en man la luta nacionau e sociau

Engatjar un tribalh ideologic e politic occitanista peu pòple occitan en tot har compte de la vita quotidiana, de las condicions materiaus, de la situacion psicologica, de la diversitat d’origina etnica, deus interés objectius contra los imperialismes francés, italian e espanhòu

ENGATJAR LA BATALHA DE LAS IDEAS

A la basa de totas las batalhas e de totas las victòrias

Combàter las nocions politicas de França-Estat nacion”, “Republica ua e indivisibla”, “roman nacionau”, “laïcisme”, “regionalisme”, “multiculturalisme”, “diversitat”, “minoritat”, …

Promòver nacion e pòple occitans

Promòver tanben la polemica peu moviment occitanista e entà l’esquèrra e extrèma esquèrra francesas, contra las basas ideologicas e politicas deu poder de la borgesia imperialista francesa

Promòver lo cambiament possible de societat, de sistèma economic, sociau e politic, la sortida possibla de la dominacion imperialista

Promòver l’antiracisme militant, la solidaritat internacionalista dab los pòples en luta, dab las nacions dependentas e coloniaus, contra totas las discriminacions linguisticas, culturaus, per apartenéncia religiosa, de genre e causida sexuau, contra violéncias sexuaus e secutament

DEFÉNER UN OCCITANISME FEMINISTA

Sostiéner la vaduda d’un moviment feminista occitanista organizat e independent

Un occitanisme feminista qu’ei la condicion d’ua societat occitana feminista, navèra, libra e esberida.

De tira, promòver peu moviment politic occitanista

L’egalitat de drets :

Peus principis, platafòrmas, orientacions, tèxtes, …

Per la practica militanta, respècte de la paraula e deu temps de paraula, escota, consideracion, solidaritat, paritat a tot nivèu organizacionau, pòstes de responsabilitat, d’arrepresentacion, …

Luta constenta tàus principis e critica militanta

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s