QU’AN GANHAT! QU’AM GANHAT!

Eths resultats nets de Catalonha-Aran d’aquera eleccion darrèra, impausada peth poder imperialista espanhòu, que confirman era volentat populara tostemps mes importenta de caminar encara cap aras democracia, Republica, independéncia e libertat.

Enas condicions qui sabem, d’ua arrepression inacceptabla, dab gavidaires empresoats o faidits e d’auts miaçats, dab intimidacions, mentiras e maniganças permanentas, dab ua preséncia policièra de tot endret e de tot moment, un aut còp de mes eths pòples catalan e occitan qu’an amuishat coratge, determinacion e consciéncia.

Que mian un combat que de nombrós en luta tà democracia non pòden pas presar. Ara que son vertaderament er’abans-guarda deth combat deths pòples contra imperialisme, dab victòrias de nacions dependentas ath còr der’imperialisme espanhòu e europèu, dab un contengut democratic-popular hòrt e de fòrmas de luta qui accòrdan combat electorau e combat de massa, dab gavidaires esberrits ideologicament e politicament, dab organisacion eficaça e intelligenta, en amuishar tota era determinacion, er’unitat, era paciéncia com er’engatjament de tots. Qu’ei atau aquiu qu’am plen d’ensenhaments tàras nacions dependentas d’Euròpa occidentau.

Qu’an ganhat aquera votacion e qu’am ganhat tanben dab aqueth exemple e aquer’experiéncia. D’ara enlà tot que serà diferent. Er’ipotèsi independentista que s’ei envitada en combat politic e non serà pas mes possible de l’esvitar, que sia en combat democratic borgés com en combat democratic socialista, per Euròpa e peths moviments d’esquèrras, progressistas e/o revolucionaris.

N’ei pas encara eth cap deth camin, ua grana victòria que ven d’apregondir eth rapòrt de fòrças, arron tres votacions en seguida favorablas ar’independentisme, era creishença deth nombre de votacions tàr’independentisme, un moviment de massas impressionent, hidança, estrambòrd arron  ua consulta deras dificilas, crisi politica deth poder espanhòu e europèu. Qu’ei estat era mauescaduda deth poder, tant grana qu’impausè eleccions regionaus tà trencar eth front independentista. Per segur er’imperialisme qu’emplèga eleccions tà destornar eths moviments de massas. Era fòrça deths pòples n’ei pas enas eleccions. Aqueras que dividen, qu’estrocilhan, qu’endividualisan ath contra dera luta de massas, collectiva peras carrèras, enas usías, enas universitats, …

Èm entrats en ua fasi de negociacions? Eth President dera Republica, Carles Puigdemont que l’a demandat. Qu’ei demandat tanben eth retrèit deras fòrças d’arrepression. Que i a tanben d’esperar solide era liberacion deths presoèrs politics e’th tornar de tots. Jòrdi Sànchez, Jòrdi Cuixart, Oriòl Junqueras, Quim Forn,  que’us volem libres e a casa dab Carles Puigdemont. Negociacions non pòden pas que portar sur’independéncia, eras suas etapas, eras fasis de passatge de poders, er’installacion dera Republica, era desseparada progressiva, shens violéncias, tà guarantir relacions apatzadas e de bons vesins peth futur.

Un pas en davant decisiu que ven d’èster hèit aqueth dijaus 21 de deceme de 2017. Aquera validacion der’independentisme non pòt pas èster contestada com era des.hèita politica de Rajoy, deth Rei, de Juncker,  de Macron, … Er’independentisme que creish enas ciutats granas com peths navèths votants. Que creish dab eth creish dera participacion ath contra de çò d’esperat peths reaccionaris de tota traca. Ara, eths crids de libertat que s’entenen a tot moment d’amassada populara, per luòcs de hèsta e d’encontre. Era mobilisacion populara qu’ei tostemps presenta, non deisha pas eth ahèr.

Un aute còp de mes eth Parlament catalan que va hèr Carles Puigdemont President tà miélher esfaçar era manòbra deth poder espanholista Rajoy-PSOE-Rei.  Puigdemont qu’a afirmat e assolidat era sua legitimitat. Tot qu’a de tornar en òrdi, non pas eth òrdi franquista mes eth òrdi popular catalan.

Pr’amor de tot aquerò qu’am de ganhar, pr’amor aqueth combat màger qu’ei combat noste a nosauts Occitans. Era solidaritat qu’a d’èster tostemps presenta e hòrta.

Alan Sibé

 

 

 

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s