INDEPENDÉNCIA ARA!

Aqueth 27 d’octobre de 2017, moment istoric dab era votacion peths diputadas e diputats der’independéncia de Catalonha.

Un esveniment politic màger en Euròpa occidentau dab Estats qui an tostemps denegat existéncia de nacions shens Estat. Aqueth posicionament ideologic que ven d’èster trencat e dab aquerò qu’ei un còp portat ath còr d’ua dominacion ideologica e politica.

Aqueth procèssus de liberacion nacionau e sociau qu’ei de caractèr universau, que pertòca democracia e libertat ath servici deth pòple, qu’orbeish era societat cap a un orizont navèth, cap a de possibles nombrós.

Independéncia que deven d’ara enlà ua ipotèsi de tribalh tà tots eths pòples deras nacions dependentas en Estats dits Estats-nacions, Estats britanic, francés, espanhòu, italian, bèlga, … Un parçan deth monde qui auhereish un exemple a tots eths pòples, qui neureish era reflexion istorica, teorica e politica. Qu’envita a ua arrevision de nombrós posicionaments. Eths projèctes politics, qué que sian, non poderàn pas mes desconéisher aquera situacion ideologica e politica navèra.

Peth prumèr còp pera temporada contemporanèa ua partida deth territòri occitan, dera nacion occitana, que’s tira dera dominacion imperialista. D’ua faiçon mes modèsta, mes a travèrs ua votacion populara totun, ua auta partida dera nacion occitana que s’avè gahat eth dret de’s nomentar « Occitanie ». Iniciativas que vaden e drin a drin eth pòple occitan que sorteish d’un dromir qui’s semblava ara mort.

Eth pòple catalan deth Principat e’th pòple occitan d’Aran  que tiran en davant, de navèth que’s tornan trobar amassa tàth combat màger de libertat. D’aqueth exemple eths occitanistas qu’an de putsar estrambòrd e ensenhaments.

Visca Republica de Catalonha e d’Aran!

 

Alan Sibé

 

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s