VERGONHA!

VERGONHA! Tàth moviment occitanista tot sancèr incapable, o qui n’a pas era volentat, d’organisar ua sola manifestacion importenta de sosten tàths pòples catalan e occitan d’Aran.

Qu’ei incapable ( o n’at vòu pas) de compréner çò qui’s passa ath pè de Pirenèus, davant eths uelhs, lavetz a casa. Sordeish qu’ei espaurucat tanben davant eth hèit « independéncia », eth hèit « Estat-Nacion » (eth vertadèr) e que’n demòra mut. Quan parla qu’ei de manifestacion … en 2018 (tàra lenga occitana)!

Nada campanha d’explics deth combat catalono-occitan per-delà de Pirenèus, nada campanha contra er’imperialofranquisme espanhòu, nada campanha contra Macron, eth governament e tots eths politicaires francés complicis, nada campanha de critica contra aquesta Euròpa. Eth moviment occitanista qu’ei shens amiras ideologicas e politicas de progrès e de libertat. Que s’a perdut era capacitat de compréner com era volentat de hèr. Que n’ei silenciós, que barra eths uelhs, que’s boça eras aurelhas, qu’aten tot aquerò que passe tà tornar aras abitudas tranquilòtas.

Lavetz, que i a manifestacions per Alemanha, Irlanda, Soïssa, Eslovenia, Chequia, Estats Units d’America, Italia, Grècia, Sardenha en solidaritat dab era tèrra catalana d’Alguèr e quitament a Madrid e per Andalosia,  ecà… Mes arren, nada manifestacion deth moviment occitanista mobilisat tàd ua causa essenciau tàths pòples e tà fraternitat entà hrairs catalans e compatriòtes aranés.

Per un mond  de guèrras, d’ingeréncias de totas, d’assassinats, de màfias, d’espleitada e de totas eras opressions, nacionaus, racistas, sexistas …, eth combat deths pòples catalan e occitan d’Aran qu’arrepresenta ua oportunitat de democracia vertadèra que non podem pas mancar.

Er’arreivindicacion d’autodeterminacion e d’independéncia que gesseish com ua lutz esmiraglanta de progrès, de dignitat e libertat en un mond escur d’imperialisme, de reaccion e de fascisme. En un mond presentat com shens nada auta alternativa aqueth moviment de libertat e d’emancipacion vertadèrs que trenca radicaument aquera posicion ideologica, que trenca un imatge de mond europèu occidentau unifòrme nacionaument e pauhicat per tostemps en espleitada, inegalitats e opressions.

Atau er’autodeterminacion que s’ataca atau vertaderament aras arradigas ideologicas e politicas deras fòrças imperialistas. Macron, Merkel,  Juncker com eras fòrças sociau-democratas que l’an plan comprés.

Revolucion que pren tota era sua significacion. Com F. Mistral qui demorè a despart dera Comuna de París, eth moviment occitanista que demòra a despart deth moviment der’Istòria deths pòples.

Eths pòples que’s guèrdan a nosauts tanben!

Alan Sibé

 

 

 

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s