« Non ar’instrumentalizacion dera luta contra antí-semitisme

(Publicat eth 5 de julhet de 2017 per  » /Blòg : Le blog de Les invités de Mediapart)

« Mes d’ua personalitat que s’insurgeishen d’ua resolucion deth 1èr de junh deth Parlament europèu qui assimila tota critica d’Israèl ad antí-semitisme. (…)

« Eth 1èr de junh de 2017, eth Parlement europèu qu’adoptè ua resolucion sus ua causa essenciau e qui s’amerita un tractament seriós :  luta contra antí-semitisme. Adonc, aquesta resolucion,  qui torna préner ua deras proposicions depausadas, era deths grops conservadors (PPE), liberaus (ALDE) e socialistas (S&D), que pausa problèmas seriós. Que s’empara, en efèit, sura definicion d’antí-semitisme perpausada  pera Alliança internacionau tàra memòria deth olocaust, eth International Holocaust Remembrance Alliance (IHRA), que’th grèu defaut ei d’escartà’s deth sué objècte en multiplicar eras arreferéncias ath Estat d’Israèl.

« N’ei pas a un parlament de definir nocions qui son objècte d’un vaste desbat istoriografic e centenats d’òbras criticas. E’th tèxte deth IHRA n’ei pas brica ua arreferéncia indiscutabla. Qu’afirma d’entrada « Eras manifestacions d’antí-semitisme que pòden includir eth ciblatge deth Estat d’Israèl » e que’u menciona nau còps; quitament s’eths autors se végen obligats d’ajustar : « Totun, ua critica d’Israèl similària ara miada contra un aut país qué que sia non pòt pas estar vista com antí-semita ». Puish quan da « exemples contemporanèus d’antí-semitisme pera vita publica,  mèdias, escòla,  mond deth tribalh ò esfèra religiosa », que hica suth madeish plan quate exemples de perpaus hainós, estereotipats, fantasmats o negacionistas qui dependen d’antí-semitisme incontestablament e sèt auts qui pòrtan suth Estat d’Israèl, era sua « politica actuau » e eras suas « accions ».

« Qu’ei aquera definicion d’antí-semitisme peth IHRA que’ra resolucion votada peth Parlament europèu envita eths Estats membres, eras institucions e agéncias der’Union d’adoptar e aplicar. Adonc, se’s pòt considerar qu’existeish en cèrtas atacas formuladas contra Israèl derivas antí-semitas, eras criticas dera politica deths governaments israelians non pòden pas brica estar assimiladas a antí-semitisme shens hèr tòrt tot d’un còp ath combat contra antí-semitisme e contra racisme, e ara libertat d’opinion necessària ath foncionament deras nostas democracias.

« Qu’ei çò d’exprimit ath Parlament europèu peths deputats d’esquèrra e ecologistas  (GUE/NGL et Verts/ALE) qui arrefusan aquesta instrumentalizacion dera luta contra antí-semitisme e que desiran inscríver aquesta en combat, essenciau e universau, contra totas eras fòrmas de racisme e de discriminacions.

« Òc, que’s pòt lutar contra antí-semitisme e deféner eth drets de Palestinians. Òc, que’s pòt lutar contra antí-semitisme tot en condamnar era politica de colonisacion deth governament israelian.

« Era luta contra racisme, antí-semitisme e’ras discriminacions no’s divideish pas. »

 

Signataris: 

Bertrand Badie, Etienne Balibar, Fethi Benslama, Sophie Bessis, Rony Brauman, Alice Cherki, Suzanne Citron, Sonia Dayan-Herzbrun, Michel Dreyfus, Ivar Ekeland, Jeanne Favret-Saada, Marcel-Francis Kahn, Catherine Lévy, Gilles Manceron, Gustave Massiah, Elise Marienstras, Fabienne Messica, Edgar Morin, Véronique Nahoum-Grappe, Emmanuel Naquet, Jacques Rancière, Bernard Ravenel, Carole Reynaud Paligot, Michel Rotfus, Elisabeth Roudinesco, Shlomo Sand, Enzo Traverso, Michel Tubiana, Dominique Vidal.

 

One thought on “« Non ar’instrumentalizacion dera luta contra antí-semitisme

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s