La crisi de l’Occitanisme politic, segon Alan Sibé
« Occitanisme politic », lo libe navèth de l’autor bigordan Alan Sibé que vien tot juste de paréisher e que promet de har reagir dens lo mitan occitanista. Dab lo son obratge, lo militant occitanista Alan Sibé (Fòto LS) que vòu tornar obrir lo debat e possar los militants occitanistas a pausà’s las bonas questions sus « l’abséncia d’un occitanisme hòrt », segon los sons pròpis mots. Que torna sus l’istòria d’Occitania purmèr, puish sus la naishença deu movement occitanista qui seré a preparà’s a afrontar dificultats pr’amor d’uns militants.
Que fustiga la tendéncia deus militants occitanistas a non pas suportar la critica e los bilançs e la lor impossibilitat de tornà’s hicar en question. Que pren exemple d’Aran, on Mirèia Boya Busquet, numèro 2 de la lista independentista e anticapitalista dens la circonscripcion de Lhèida, obtienó un sièti au Parlament de Catalonha tà representar la « nacion occitana ». Lo sénher Sibè qu’estima que Aran ei hèra mei avançat au nivèu ideologica e politica. L’autor qu’espèra dab lo son libe har evolucionar las mentalitats suu subjècte, e que prepara dejà un tòme 2 tà l’an qui vien. Que l’encontrèm au començar deu mes.
Inf. : « Occitanisme politic », Alan Sibé — 2017 — Prètz : 20 € — Tà crompar lo libe : 7 arrua deu Pic deu Mieidia — 65200 Banheras de Bigòrra.
Qu’encontrèm a l’autor Alan Sibé tà’n saber mei sus la soa demarcha. Aquiu l’entervista audio realizada en aliança dab Joan-Nadau Commères de Ràdio País :
Category: news – Tags: sibe, occitanisme, politic
Taula
Per començar
Per entrar ena problematica nosta
1 – De tira ath còr dera question – Basas etnicas, istoricas e politicas
deth combat occitanista
Drin d’etnogenèsi deth pòple occitan
Ua basa umana prumèra
Prestida de comunitats
Un pòple autoctòn
Afirmacion dera nacionalitat occitana
Nacion dependenta shens Estat
Libertat escarnida
Occitània centrau en prumèr
Era manmesa francesa
Eth jun imperialista
Varrolhs ideologics e politics
« Esquèrra » francesa, nacionalista, imperialista e neocolonialista
2 – Espiar sur’occitanisme
Er’occitanisme que vadó en combat politic
Era consciéncia nacionau, eth terrenh deishat
Occitània, qu’es aquò ?
Un combat francés
Question d’istòria
Eth politic, er’aute terrenh deishat
Agitacion/propaganda
Eth politic en retard
Eth poder politic ?
3 – Un contèxte politic e ideologic complicat
Er’egemonia imperialista
Er’imperialisme qu’estructura era societat
Era crisi dera « França » imperialista
Era crisi deras ideas emancipaderas
Der’ideologia imperialista en generau
Per Occitània mes precisament
Eth coble desnacionalisacion-desvelopament nacionau
Era question nacionau, un ahèr pireneomediterranèu
« Région Occitanie »
4 – Eth combat ideologic, fondamentau e prumèr
En « dehòra deth quadre »
Çò de mau esvitar
De principis essenciaus encara e tostemps
Nacion e classas
Era nacion : de mau desconéisher
Eth « pòple » tostemps de precisar
Eth pòple occitan
5 – Occitanisme politic, question de rompeduras
Rómper er’embarrament
Rómper dab era « nacion politica »
Rómper dab eras caracterisacions embrumadas
Occitanisme, politic en prumèr
Rómper tà bastir era consciéncia
Rómper dab er’« esquèrra » francesa
Arrapà’s ath malhon
————————————————————————————————-
« Era question nacionau occitana com eths occitanistas que sòn pertocats ara debacla teorica generau. Lavetz eth combat der’occitanisme politic qu’a d’èster en prumèr un combat ideologic. N’ei pas era temporada tà bastir organisacions politicas navèras, fronts, coordinacions, estructuras divèrsas mes qu’ei de bastir fondacions teoricas e politicas. »
« Hicà’s en dehòra deth « quadre » qu’ei hè rompedura. Er’occitanisme actuau qui demòra en « quadre », qu’ei arrespectuós deth òrdi public der’ideologia, deras institucions, qu’ei occitanisme de connivéncia tàd ensajar de’s hèr ua petita plaça en Estat francés, shens reméter en causa eth òrdi establit. Que hè necèra d’un occitanisme de rompedura, ancrat en dehòra deth quadre, sus ua idea, d’i estacà’s e de l’assumir, tà tractar dab imperialisme « de poder a poder » tàra « contestacion brutau deth òrdi public ».
« Uei era question prumèra der’occitanisme politic qu’ei era question de rompeduras ideologicas e politicas. Despuish eras annadas 60 deth sègle passat, ua capa ideologica qu’ei estada pausada suth moviment occitanista per R. Lafont e F.-M. Castan e mantenguda peths « adèptes » e « guardians deth temple ».
« Ténguer eth malhon e s’i arrapar contra totas eras ventòlas politicas qu’ei vertaderament er’òbra politica màger, era via militanta de seguir. Qu’a d’estar ath centre de tot eth noste tribalh d’agitacion-propaganda politica peras massas popularas qui sòn eth pòple occitan. »
—————————————————————————————————————–
Er’autor Alan SIBÉ qu’ei un Occitan vadut de Banhèra de Bigòrra.
Diplomat en sciéncias sociaus e sciéncia politica der’Universitat de París I (Panthéon-Sorbonne).
Engatjat politic e associatiu.
Bon de comanda
—-
OCCITANISME POLITIC Rompeduras, 337 p.
Ath prètz de 20€ (vint euròs) + còstas d’enviada (R.A.R.) : 8,85€ (Estat francés) ;
13,75€ (Estats espanhòu e italian).
Acompanhat deth reglament a mand de : Alan SIBÉ
A: Alan SIBÉ – 7, carrèra deth Pic de Mieidia 65200 Banhèra-de-Bigòrra
(7, rue du Pic du Midi 65200 Bagnères-de-Bigorre)
Nom : ……………………………………………………………………………………………………….
Petit nom : ………………………………………………………………………………………………….
Adreça sancèra : …………………………………………………………………………………………….
…………………………………………………………………………………………………………………………………
…………………………………………………………………………………………………………………………………
…………………………………………………………………………………………………………………………………
A……………………………………………, eth ……………………………………………..
Signet
ARTIGALADAS 