Arren de nau

Ara que’s coneish eth president navèth, eth ministre prumèr navèth com eth governament navèth. Despassats eths efèits de comunicacion arrelaiats largament pera prensa, que i a de constatar darrèr eth « navèth », era continuacion totau ideologica e politica dab Hollande e Valls. Que’n testimònian eths esfòrçs de Valls tàd èster arrecebut ena « majoritat presidenciau », eth sosteng de nombrós membres deth PS e deths verds, era participacion ath governament de Le Drian, ecà … Era joentut, eras promocions enarcas, eths membres dera famosa « societat civila », non sòn pas signes de progrès, de democracia vertadèra e de justícia sociau mes ath contra de politica antipopulara, nacionalista e imperialista. Que n’atèstan eras posicions en quadre dera « nacion francesa », dera « republica ua e indivisibla », deths signes en direccion der’armada, dera visita aras fòrças armadas basadas per estrangèr…

Eth poder politic de defensa der’imperialisme francés que s’installa en anonciar clarament eth sué posicionament. Que’s sentí obligat eth ministre prumèr navèth de mercar er’espaci ideologic: « Que sòi un òmi de dreta pr’amor que pensi era valor essenciau dera vita ena societat qu’ei libertat, libertat economica, libertat de pensar libertat d’expression. » Arren de nau alavetz en aqueras paraulas, qu’ei er’ideologia ordinària dera borgesia imperialista dab eth sué dògma de « libertat ». Que l’am entenut mes d’un còp e n’ei pas fenit e sustot que’n vam conéisher eras consequéncias quotidianas. Qu’ei politica d’integracion en mercat mondiau, de sosmetuda aras leis deth mercat e dera finança, ar’espleitacion e a totas eras opressions.

Qu’ei eth parat d’arreperar aqueths mots de Lenin: « Libertat qu’ei un mot gran, mes qu’ei devath era bandèra dera libertat der’industria qu’estón miadas eras guèrras de sacamanderia  sordeishas; qu’ei devath era bandèra dera libertat deth tribalh qu’estón espoliats eths tribalhadors. » ((Que Faire?, p. 11) De soscar.

Lavetz nat estrambòrd, nada esperança,  mes arbajar e preparà’s mes que james tàd opausà’s.

Alan Sibé

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s